Network
GALURA -Ngareuah-reuah mieling Milangkala ka-50 PDI Perjuangan
Dr. Hj. Ineu Purwadewi Sundari, S.Sos., MM, ngagelar turnamen bola voli putri, Saptu, (14/01/2023).
Teh Ineu, nenehna Dr. Hj. Ineu Purwadewi Sundari, S.Sos., MM, teh bendahara DPD PDIP Jawa Barat sarta angota DPRD Jawa Barat.
Gelaran turnamen bola voli tempatna di lapang voli Bina Taruna, Desa Panyingkiran, Kecamatan Panyingkiran, Kabupaten Majalengka.
Salian piala, gelaran turnamen nu temana ‘Teh Ineu Cup’ nyadiakeun hadiah nu jumlah sagemblengna Rp8.750.000.-
Baca Juga: Dua Wisata Kuliner di Bogor, Nasi Sunda jeung Bebek Madura, Mewah tapi Murah, Merenah keur Kulawarga
Pamilon turnamen aya 16 tim ti sababaraha wilayah di Kabupaten Majalengka.
Kepala Desa Panyingkiran Arief Syaeful Bachri, S.H., dina sambutanna ngahaturnuhunkeun ka Teh Ineu nu sagemblengna ngarojong turnamen bola voli di desana.
“Alhamdulillah sadaya hadiah kalebet kapanitiaan disupport ku Ibu Ineu,” ceuk Arief.
Dina sambutan Teh Ineu nyebutkeun di Kabupaten Majalengka euyeub ku atlit-atlit olahraga bola voli nu kudu dirojong sangkan jadi atlet prefesional.
