GALURA - Mapag Ramadan 1444 H Pemerintah Kabupaten Bandung Barat baris ngagelar operasi pasar murah di 8 lokasi.
Operasi pasar murah Pemkab Bandung Barat teh malar warga bisa meunangkeun bahan sembako kalawan murah.
Kiwari, sababaraha kabutuhan poko saperti beas jeung cengek, jero mapag Ramadan teh hargana bet laju undak.
Ku kituna, Pemkab Bandung Barat bakal nyubsidi sembako ku cara harga nu murah tepi ka 60 peresen.
Bupati Bandung Barat, Hengky Kurniawan, ngeceskeun, muga wae harga sababaraha kabutuhan poko geura normal deui, atuh patani ge sing tetep untung.
Laju manehna ge ngebrehkeun, stok pangan di Kabupaten Bandung Barat dina nyanghareupan bulan puasa jeung lebaran teh kawilang aman.
"Stok sembako di Kabupaten Bandung Barat aman. Operasi pasar murah baris dilaksanakeun samemeh Ramadan, lagu Ramadan, sarta samemeh Idul Fitri," ceuk Hengky Kurniawan, Rebo, 8 Maret 2023.
Sajeroning kitu, warga Padalarang, Silviani, mertelakeun, kalintang bingahna Pemkab Bandung Barat ngayakeun operasi pasar murah pikeun masarakat.
"Alhamdulillah, baris aya pasar murah, matak ngaringankeun paekonomian masarakat, sabab meh unggal tereh Ramadan teh harga sembako sok undak," pokna. ***