Network
GALURA.CO.ID -Diadegkeun taun 1991, Madrasah Aliyah (MA) Darul Ma’arif tèh bagèan ti Yayasan Darul Ma’arif Rahayu Kecamatan Margaasih Kabupaten Bandung. Ieu lembaga ngokolakeun atikan formal ti tingkat Madrasah Diniyah (MD), Madrasah Tsanawiyah (MTs) jeung MA, turta atikan nonfornal pesantren jeung majlis ta’lim nu dipupuhuan ku KH. Sopyan Yahya, MA.
Kepala MA Darul Ma'arif , H. M. Fauzi Mubaroq nétèlakeun, MA Darul Ma’arif ngamekarkeun pembelajaran berbasis sains jeung teknologi, diadumaniskeun jeung atikan kaislaman jeung karakter. Dirojong ku kasayagian fasilitas laboratorium sains jeung teknologi nu lengkep tur manjing.
Najan H. Fauzi karèk sababraha minggu jadi Kepala MA Darul Ma'arif, tapi inyana apal pisan kaayaan MA-na, da puguh inyana pangokola Yayasan, sarta samèmèhna mupuhuan MTs-na. MA Daru Ma'arf nu pernahna di Jalan Mahmud Nomer 41A, Desa Rahayu Kecamatan Margaasih Kabupaten Bandung teh mibanda dua program studi IPA jeung IPS .
Baca Juga: Munaqosah Tahfidz 2024 di SMAN 2 Lembang,
Dina taun 2005, MA Darul Ma’arif jadi salasahiji ti 30 Madrasah Aliyah nu meunang bantuan laboratorium sains jeung teknologi dina Program Penguatan Sains dan Teknologi Tahap-2 (Science and Technology Equity Program Phase-2/STEP-2), gawè bareng antara Kementerian Agama Republik Indonesia jeung Islamic Development Bank (IDB).
Ku Program STEP-2, ayeuna MA Darul Ma’arif mibanda laboratorium sains jeung teknologi nu lengkep, nyaèta laboratorium komputer multimedia, elektronika, fisika, kimia, biologi, jeung laboratorium keterampilan wirausaha. Fasilitas sèjènna ogè kacida nyukupan, di antarana masjid, kantin, asrama (husus jang siswa nu mondol di pondok pesantren), sarana olah raga, perpustakaan, sanggar seni, jeung lahan parkir nu lega.
Teu èta wungkul, MA Darul Ma’arif ogè mibanda pangatik kalayan nu kualifikasi pendidikan S1, S2, jeung S3 tur 95% di antarana geus boga sertifilkat guru profesional. Ku fasilitas nu lengkep turta kualifikasi pangatik nu dipibanda, MA Darul Ma’arif mampuh mertahankeun predikat akreditasi A (unggul).
Pikeun mèrè bekel kaparigelan ka lulusanana, Darul Ma’arif ngayakeun program unggulan keterampilan elektronika, sains jeung teknologi, manajemen bisnis jeung kewirausahaan, komputer office jeung graphic design, digital printing, tahfidz Al-Quran, turta ngawangun karakter jeung kapamingpinan.
Baca Juga: SMA Pasundan 7 Kota Bandung jeung SMA Pasundan 3 Kota Cimahi Nyiptakeun Sakola Unggulan jeung Atlit
MA Darul Ma’arif mibanda visi "Mendidik generasi yang memahami agama Islam secara komprehensif (Taffaqquh fiddin), memiliki akhlak mulia, menguasai sains dan teknologi, berjiwa leadership dan entrepreneurship serta unggul." Misina aya 6, nu salah sahijina: Numuwuhkeun pamahaman agama Islam nu komprehensif, tepi ka bisa ngamalkeun ajaran agama kalayan alus di masarakat.
Ekstrakurikuler MA Darul Ma’arif Kepemimpinan dan karakter (OSIS, Pramuka, PMR, jeung Paskibra;. Olahraga (Bola Basket, Futsal, Tenis Meja, jeung Panahan); Seni (Marawis, Nasyid, Seni Tradisi (Lengser), jeung Marching Band; Bela diri: Pencak Silat jeung Perisai Diri; Keterampilan ( elektronika, ngetik, graphic design, printing, industri kreatif; Manajemen bisnis, jeung; Jurnalistik, videography, katut photography.
Euyeub Prestasi
MA Darul. Ma'arig ogè euyeub ku prestasi, di amtarana; Pinunjul 1 (medali emas) bidang Web Design dina kagiatan Madrasah Sains Expo Tingkat Nasional, taun 2009, Pununjul 2 (medali perak) Desain Majalah dina kagiatan Madrasah Sains Expo Tingkat Nasional, taun 20, Pinunjul 2 (medali perak) Bidang Ekonomi Terintegrasi sina kagiatan Madrasah Olympiad Contest (MOC)Tingkat Nasional, taun 2020.
Pinunjul 3 (medali perunggu) Bidang Ekonomi dina kagiatan Olimpiade Pahlawan Sains Indonesia (OPSI) Tingkat Nasional, taun 2020, Pinunjul 2 (medali perak) Bidang Ekonomi dina kagiatan Olympiad Math Ecoscience General Applied (OMEGA) Tingkat Nasional, taun 2021, Pununjul 2 (medali perak) Bidang Geografi dina kagiatan Olympiad Math Ecoscience General Applied (OMEGA) Tingkat Nasional, taun 2021.
Pinunjul 1 (medali emas) Bidang Ekonomi dina kagiatan Pelatihan Olimpiade Sains Indonesia (POSI) Got Talent Tingkat Nasional, taun 2021, Pinunjul 3 (medali perunggu) Bidang Saintek dina kagiatan Olimpiade SBMPTN Tingkat Nasional, taun 2021, Pnunjula 1 (medali emas) Bidang Ekonomi Terintegrasi sina kegiatan Kompetisi Sains Madrasah (KSM) Tingkat Kabupaten Bandung, taun 2021.*** Sopandi
