Network
GALURA.CO.ID -PGRI jeung Dinas Pendidikan Kabupaten Majalengka ngagelar Seminar Pendidikan 'Transformasi Guru dalam Kurikulum Merdeka'. Lumangsung di Gedong Islamic Center Majalengka (14/11/2023).
Ketua PGRI Kabupaten Majalengka Oyo Kartoyo, nyebutkan PGRI teh mitra Pemerintah Daerah hususna di widang atikan. PGRI komitmen bakal tuluy ngarojong program pamarentah, boh pamarentah pusat boh pamarenytah daerah.
"Komitmen PGRI dina ngarojong kawijakan pamarentah di antawisna ngarojong parobihan Kurikulum 2013 janten Kurikulum Merdeka," ceuk Oyo.
Baca Juga: SMA Pasundan 3 Bandung Leubeut ku Prestasi Buah tina Nanjeurkeun Kadisiplinan
Oyo nyebutkeun Seminar Pendidikan dilaksanakeun dina raraga mieling HUT ka-78 PGRI jeung mieling Hari Guru Nasional tingkat Kabupaten Majalengka.
"Tujuan digelarna Seminar Pendidikana kangge nyosialisasikeun implementasi Kurikulum Merdeka pikeun sakumna guru, sarta ngaronjatkeun profesionalisme guru minangka anggota PGRI nu mibanda kompetensi, kreativitas, sarta inovasi," ceuk Oyo.
Oyo nyebutkeun Seminar Pendidikan ajang sosialisasi keur sakumna guru supaya dina ngaimplementasikeun Kurikukulm Merdeka bisa dilaksanakeun sacara optimal.
Disebutkeun Oyo, PGRI Kabupaten Majalengka kalintang perelu pikeun ngalaksanakeun Seminat Pendidikan. Ieu dina raraga ngarojong program pamarentah ngeunaan Kurikulum Merdeka nu bakal diterapkeun di sakabeh sakola di Majalengka.
Baca Juga: FTBI SD SMP Jabar 2023 di Kabupaten Bandung Ciamis jeung Cimahi Pinunjul Umum
