Network
GALURA - Kaputusan Kementerian Pertahanan (Kemhan) meuli 1 skuadron nu ngawengku 12 unit jet tempur Mirage 2000 5 ti Qatar dicempad ku anggota Komisi I DPR RI, Mayjen TNI (Purn) Tb Hasanuddin. Alatanana salian ti urut oge hargana mahal.
Kemhan meuli 12 unit jet tempur Mirage 2000 5 ti Qatar teh lain anyar tapi nu geus teu dipake deui ku Qatar. Harga keur salosin Mirage 2000 5 urut teh ngahontal USD 792 juta ampir sarua jeeung Rp12 triliun (asumsi kurs Rp 14.800 sa-USD).
"Angkatan Udara Qatar ngadatangkeun jet tempur Mirage 2000 5 ti Perancis di ahir taun 1980-an. Tina kituna, Kemhan meuli jet tempur Mirage 2000 5 nu umurna tilu dekade, sarta bisa dipake10 taun deui," ceuk Tb Hasanuddin, Kemis (22/6).
Baca Juga: Kapolres Majalengka Mingpin Upacara Ketua Satkamling Taun 2023
Dumasar klausul kontrak pembelian, ieu politisi PDIP ngungkabkeun, jet tempur Mirage 2000-5 ngan meunang jaminan rojongan servis salila 3 taun ti sa[rak dibeuli, 7 taun satuluyna kudu mayar sarta mayar servisina mahal.
"Waragat miara pesawat tempur teu murah, komo deui keur jet tempur nu geus kolot, kumaha anggaran urang tos siap?" ceuk Tb Hasanuddin.
Tb Hasanuddin manglebarkeun ku lantaran Kemhan leuwih milih meuli pesawat urut. Ceuk Tb. Hasanuddin, Kemhan leuwih hade meuli pesawat anyar nu leuwih canggih.
Mun dikalkulasikeun, ceuk Tb Hasanuddin, harga Mirage 2000-5 urut ti Qatar saunitna USD 66 juta. Harga jet tempur anyar di pasar global kiwari hijina hargana USD 67 juta - USD 135 juta.
Baca Juga: Lomba Menembak Kapolres Majalengka Cup Ngagumebyarkeun Milangkala ka 77 Bhayangkara Taun 2023
