Network
GALURA.CO.ID - Dandim 0617/Majalengka Letkol Inf Dudy Pilianto, S.Pd., M.I.P., ngaroris kondisi banjir di Blok Anjun jeung Blok Sawala, Desa Kadipaten, Kecamatan Kadipaten, Kabupaten Majalengka, Salasa peuting (5/3/2024).
Banjir balukar cai Walungan Cikasarung mudal. Dandim 0617/Majalengka netelakeun ngaroris langsung teh dilaksankeun keur nyiapkeun jeung nangtukeun lengkah sarta kasiapan anu bakal dilaksanakeun nalika cai Walungan Cikasarung tuluy ngagulidag.
"Luhurna cai banjir dugi ka 80 senti, ngeueum sabagean pamukiman warga. Korban jiwa teu aya, karugelan materil kirang langkung 17 unit padumukan warga kakeueum cai," ceuk Dudy.
Dudy cumeluk ka sakumn jajaran jeung stakeholder supaya tetep siap sadia dina nyanghareupan bencana alam anu sawaktu+waktu kajadian.
"Dina masihan penanganan bencana alam, personel sareng materil kedah disiapkan kangge ngabantos masarakat," ceuk Dudy Pilainto.*** Ayank R Sambara
