GALURA-Nyaritakeun urug di wewengkon Kabupaten Kuningan, hususna dina bulan munggaran taun 2024, enya bulan Januari, beunang disebetkeun kerep.
Dumasar data di Badan Penanggulangan Bencana Daerah (BPBD) Kabupaten Kuningan, ti semet tanggal 1nepika tanggal 18 Januari 2024, geus kurang leuwih 30 kali urug.
Kepala Badan Penanggulangan Bencana Daerah (BPBD) Kabupaten Kuningan, Indra Bayu Permana, nyebutkeun kajadian urug teh utamana di daerah rawan urug, kawas di sababaraha desa wewengkon Kecamatan Subang, Cilebak, Ciwaru, Karangkancana.
Baca Juga: Urug di Desa Gunungmanik Kuningan, Dua Umpi Ngungsi ka Imah Dulurna
Ceuk Indra Bayu, kiwari hujan di di sababaraha wilayah Kuningan meh saban poe, ngabalukarkeun urug.
Sajaba urug, oge aya kajadian angin puting beliung, pergerakan tanah jeung tangkal kait rubuh.
“Salami kajadian urug dina Januari 2024, teu ngabalukarkeun korban jiwa. Mung Aya sabaraha bumi sareng jalan anu rekasak," ceuk Indra.***