Network
GALURA.CO.ID - Polres Majalengka Polda Jabar ngalaksanakeun Apel Gelar Pasukan Operasi Lilin Lodaya 2023 di Lapangan Apel Polres Majalengka, Kemis (21/12/2023).
Diluuhan ku Pejabat Bupati Majalengka, H. Dedi Supandi, S.STP., M.Si., Kapolres Majalengka AKBP Indra Novianto, S.I.K., M.Si., CPHR, jeung Dandim 0617/Majalengka Letkol Inf Dudy Pilianto, S.Pd., M.I.P., Unsur Forkopimda katut Tamu ondangan lianna.
Pingpinan apel langsung ku Pejabat Bupati Majalengka, dibarengan ku Kapolres Majalengka, AKBP Indra Novianto, S.I.K., M.Si., CPHR, jeung Dandim 0617/Majalengka Letkol Inf Dudy Pilianto, S.Pd., M.I.P nu macakeun amanat Kapolri Jenderal Polisi Drs. Listyo Sigit Prabowo, M.Si.
Baca Juga: Keur Kapastian Hukum, Bupati Bandung Launching Aplikasi Bedas SIPPHADE
Dina amanatna Kapolri nandeskeun pentingna apel gelar pasukan minangka bukti ngaroris akhir kasiapan personil jeung sarana prasarana nu bakal digunakeun salila Operasi Lilin Lodaya 2023.
Apel Gelar Pasukan Operasi Lilin Lodaya 2023 tujuanna pikeun mastikeun sakumna personel nu kalibet dina operasi siap tur optimal dina ngalaksanakeun tugas ngajaga kaamanan Natal 2023 sarta Tahun Baru 2024 (Nataru).
Pingpinan apel miharep dilaksanakunana apel gelar pasukan, sakumna persiapan bisa dikokolakeun kalayan hade pikeun mastikeun kaamanan tur katartiban masarakat salila ngareuah-reuah Natal jeung Tahun Baru.
Dina eta kasempatan, Pejabat Bupati Majalengka, H. Dedi Supandi, ngaapresiasi kasiapan Polres Majalengka dina ngamankeun ngareuh-reuah Natal jeung Tahun Baru.
Baca Juga: Natal jeung Taun Anyar 2024, Patugas Mariksa Kandaraan, Manggihan Supir Teu Nyumponan Sarat Nyupiran
