Network
GALURA.CO.ID -Kepala Dinas Perpustakaan dan Arsip (Dispusip) Kabupaten Bandung, Teguh Purwayadi, nyebutkeun, literasi mibanda peranan penting dina ngaronjatkeun kualitas hirup masarakat.
Kituna tèh ditètèlakeun Teguh dina acara
Sosialisasi Peningkatkan Literasi Masyarakat di Gedung Serbaguna Desa Rancamanyar Kecamatan Baleendah Kabupaten Bandung, Rebo, 20 Desember 2023.
Literasi ogè, ceuk Teguh, bisa ngabantu masarakat pikeun nyiar akses informasi jeung luang literasi nu ngamungkinkeun masarakat bisa ngaakses informasi jeung pangaweruh ti rupa-rupa narasumber, boh tina buku, majalah, internet boh media lianna.
Baca Juga: Bupati Bandung Kuciwa ku Pausahaan Geotermal Kurang Malirè Masarakat
"Literasi teu ukur ngawengku kamampuan maca jeung nulis, tapi ogè ngawengku cara pikir kritis, ngarengsekeun masalah, jeung ngahangkeun komunikasi," pokna.
Informasi jeung luan bieu ceuk Teguh bisa digunakeun jang ngaronjatkeun kualitas hirup masarakat desa. Teguh nyontokeun, upamana luang ngeunaan kasehatan, pertanian, atawa wirausaha.*** Sopandi
