Network
GALURA.CO.ID -Bupati Bandung Dadang Supriatna ngalaunching aplikasi BEDAS SIPPHADE (Sistem Informasi Penyusunan Produk Hukum Daerah), di Sutan Raja Soreang, Kemis, 21 Desember 2023.
Dadang Supriatna ngaapresiasi inovasi ti Bagian Hukum Setda Kabupaten Bandung. Ceuk Dadang, aplikasi teh wujud dicumponana akselerasi transformasi digital, dina tarèkah ngawujudkeun sinergitas pamarèntahdina ngabentuk peraturan perundang-undangan.
“Sajaba ti kitu ogè dina raraga ngaronjatkeun kapasitas sumber daya manusia sareng kualitas panyusunan produk hukum, mu kudu mampuh mèrè kapastian hukum, kamangpaatan, tur rasa kaadilan keur para pamangku kapentingan,” ceuk Bupati Bandung.
Baca Juga: Bupati Bandung Ngintruksikeun Camat jeung Kades Nyosialisasikeun Perbup RDTR
Ceuk Dadang Supriatna, digitalisasi danget ieu geus lain deui hiji pilihan, tapi kabutuhan, kaasup layanan produk hukum ti perangkat daerah nu gancang, tepat, profesional, transparan tur leuwih museur.
Aplikasi Bedas Sipphade, ceuk Bupati hiji aplikasi eletronik dina pangladenan produk hukum nu diajukeun ku perangkat daerah.
“Ieu aplikasi inovasi nu ngagampilkeun proses pangajuan produk hukum daerah, teu kedah nyumpingan langsung ka Bagian Hukum,” ceuk Bupati.
Kabag Hukum Setda Kabupaten Bandung, Yana Rosmiana nambahkeun, aplikasi Bedas Sipphade jang ningkatkeun kapasitas SDM panyusun jeung perancang peraturan.
“Langkung ti kitu ogè jang ningkatkeun mutu produk hukum nu dimedalkeun di rohang lingkup Pemkab Bandung,” ceuk Yana.*** Sopandi
