Network
GALURA.CO.ID -Rebuan massa ti sababaraha serikat pekerja nu aya di Kabupaten Majalengka Jawa Barat unjuk rasa (unras) meredih buruh jeung parobahan PP Nomor 51 ngeunaan Pengupahan.
Masa aksi nu sumebar ti serikat buruh nu aya di wilayah kaler ngagimbung di hareup Pendopo Kabupaten Majalengka, Rebo (15/11/2023), jam 12.10 WIB.
Masa aksi demo ngagunakeun kandaraan roda dua jeung opat lumangsung kalayan tartib tur aman. Sakumna pagawe meredih buruh ditaekkeun 38 persen ti Upah Minimum Kabupaten (UMK) memehna, Rp2.180.602 jadi Rp3.012.937.
Baca Juga: KH Abdul Chalim ti Leuwimunding Majalengka Dileler Gelar Pahlawan Nasional
Salian eta buruh oge meredih pamarentah ngarobah Peraturan Pemerintah (PP) No. 51 ngeunaan Pengupahan nu ngarugikeun sakumna buruh.
Salasaurang kordinator Serikat Buruh, Edi Kustandi meredih pamarentah dina hal ieu Dewan Pengupahan naekkeun UMK 2024 di Kabupaten Majalengka jadi Rp 3 jutaan. Hal eta dumasar survei kabutuhan hidup layak (KHL) nu aya di lapangan kiwari.
"Ti serikat buruh tos nyurvey ka pasar-pasar di Majalengka, hasilna buruh meryogikeun gajih dugi Rp 3 jutaan kangge hirup layak di Majalengka," ceuk Edi.
Bupati Majalengka Dr. H. Karna Sobahi, M. M.Pd., nalika nampa wawakil buruh di rohang rapat Bupati, netelakeun, ku ngajegirna pabrik-pabrik nu aya di wilayah Kabupaten Majalengka kawilng ngabantu dina ngaronjatkeun taraf paekonomian.
