GALURA -Hj Baiq Raehanun Ratnasari, SH., MH dijungjunglungguh jadi Kepala Kantor Kemenag Cimahi. Wajar, mun Anung, nenehna Baiq Raehanun, jadi bukur catur, kakara aya di Jawa Barat wanoja jadi Kepala Kantor Kemenag Kota Cimahi.
Salila ieu nu jadi pupuhu Kemenag Cimahi teh lalaki, karek ayeuna pupuhuna wanoja, Hj Baiq Raehanun Ratnasari, nu ngajabat kepala Kemenag Kota Cimahi.
“Teu masalah, aya wanoja, janten pupuhu di Kemenag, kedah dicobi malar kamampuhan kaum istri mingkin mekar,” ceuk anggota Dewan Fatwa MUI Jabar, Dr. KH. Badruzzaman Yunus
Baca Juga: HUT ka 62 Pramuka, Kwarcab Majalengka Ngembarkeun Program Rutilahu
Hj.Anung, nenehna Baiq Raehanun Ratnasari samemehna nyekel jabatan Arsiparis Ahli Madya/Ketua Tim Peningkatan Kualitas Pembinaan Haji Reguler & Advokasi Haji Bidang Penyelenggaraan Haji & Umroh Kanwil Kementerian Agama Jabar the.
Inyana jadi Kepala Kemenag, ngaganti H. Saefullah, S.Ag., M.PdI nu dimutasikeun jadi Kepala Kemenag Kabupaten Garut, ngaganti Dr.H. Cece Hidayat, M.Si.
H. Cece dialih-tugaskeun jadi Kepala Kemenag Kabupaten Bandung. Cece, nu baheulana kungsi jadi wartawan teh ngaganti H. Abdurrahim, S.Ag., M.Si nu kiwari cepeng kalungguhan Kepala Kemenag Kota Bandung, ngaganti Drs. H. Tedi Ahmad Junaedi, M.Si., nu ditunjuk jadi Kepala Kemenag Kabupaten Bandung Barat.
Hj. Anung, waleh, teu nyana baris dipercaya jadi Kepala Kemenag Kota Cimahi. Dirina, harita masih konsen ngalaksanakeun pancenna di Asrama Haji Kota Bekasi, ngimeutan jamaah haji Jabar nu mulang ti Tanah Suci.
Baca Juga: Lima Kasus Tindak Pidana Narkotika Diungkab Polres Majalengka Hasil Operasi Antik Lodaya 2023
“Nampi iber, kedah ka Kanwil, teras dilantik, beu, kejutan oge, teu nyangki,” pokna. Geus narima amanah jabatan, inyana baris satekah polah ngetrukeun kamampuhanna, neruskeun hanca gawe jeung ngarengsekeun saniskara program gawe nu katunda.