Network
“Ieu hiji tantangan, simkuring kedah ngabuktoskeun, kaum wanoja gaduh kamampuhan. Kamandang ti nu sanes dianti-anti pisan kanggo kamajengan lembaga,” pokna.
Ngaronjatkeun pancen gawe, ceuk Hj. Anung, luyu jeung kamampuhan, baris dilakukeun. Inyana miharep rukun gawe nu maksimal ti sakumna karyawan jeung pejabat di lingkungan Kementerian Agama.
“Tangtos, aya evaluasi kinerja, kapayunna teu mustahil aya rotasi sareng mutasi kanggo nyumponan pameredih kinerja,” pokna.
Wanoja nu diangkat jadi Kepala Kemenag, lain bae di Jawa Barat. Samemehna, opat wanoja nu dipercaya jadi kepala Kemenag teh: Kepala Kemenag Kabupaten Takalar, Sulawesi Selatan, Kepala Kemenag Kabupaten Rembang, Jawa Tengah, Kepala Kemenag Kabupaten Jayapura, Provinsi Papua jeung Kepala Kemenag Marowali, Sulawesi Tengah. *** Cecep KS
