Network
GALURA -Ketua Umum Pengurus Besar Paguyuban Pasundan (PP), Prof.Dr.H.Didi Turmudzi, M.Si, ngaresmikeun Balai Pelatihan, Pengembangan dan Pemberdayaan Masyarakat (BP3M) di Desa Benjot, Kacamatan Cugenang, Kabupaten Cianjur, Kemis (20/7/2023).
Dr. H. Didi Turmudzi, M.Si dina biantarana nyebutkeun diadegkeunana BP3M di Kecamatan Cugenang Kabupaten Cianjur teh wujud pangabakti Paguyuban Pasundan dina umurna nu taun 2023 panceg 110 taun, ka masarakat.
Diresmikeunana BP3M nu diadegkeun ku Paguyuban Pasundan di Kecamatan Cugenang Kabupaten Cianjur teh diluuhan ku sakumna pinisepuh jeung pajabat di lingkungan Paguyuban Pasundan, anggota DPR-RI, Mayjen (Purn) TNI, Dr. TB Hasanuddin, Forkopimda Kabupaten Cianjur katut para tamu sejenna.
Baca Juga: Kapolsek Sukahaji Polres Majalengka oge Ngaluuhan Monev 10 Program Pokok PKK
Bupati Cianjur mah teu milu nungkulan diresmikeunana BP3M. Ceuk ajudanana aya acara sejen nu teu bisa ditinggalkeun jeung teu bisa diwakilkeun.
Didi Turmudzi, nandeskeun BP3M teh udaganana keur ngahirup-huripkeun deui kahirupan ekonomi masarakat Cugenang nu sawatara katukang katiban musibah bencana alam lini.
"Mangga, bale pelatihan tiasa dianggo kanggo sarana pelatihan kaparigelan nu ngarobah jeung ngaronjatkeun deui kahirupan ekonomi warga Cianjur, hususna warga Desa Benjot," pokna.*** Cecep KS.
