Di Desa Parungserab Kabupaten Bandung, Bangunan nu Ngagunakeun Dana Desa Tohaga Pisan, Kuat Ratusan Taun

GALURA -Dina taun anggaran 2022, pamarentah Desa Parungserab, Kecamatan Soreang, Kabupaten Bandung, Jawa Barat geus nerapkeun Dana Desa tahap I, di antarana ngabebenah jeung ngomean saluran drainase di blok Tegalcaang RW 10, volume 74,3 meter pasagi, meakeun waragad Rp 100.267.600.

Salian ti eta, Dana Desa tahap I ku Desa Parungserab dipake ngarenovasi benteng Pos Kesehatan Desa (PKD) di Kampung Baraanta kalayan waragadna Rp79.855.000. PKD jadi tohaga pisan, moal kungsi diomean deui salila puluhan taun kajaba dicet atawa diganti cetna.

Kitu deui drainase di blok Tegalcaang RW 10, salila puluhan taun mah moal kungsi ditembok deui. Pamarentah Desa Parungserab mikahayang anu dibangunna kawas bangunan titinggal Walanda nu kuat ratusan taun. Bestekna ditalingakeun pisan.

Dana Desa di Parungserab oge dipake ngarenovasi benteng Pos Kesehatan Desa (PKD) di Kampung Baraanta. Ieu oge kuat ratusan taun, kawas jieunan Walanda.

Baca Juga: Presiden Jokowi Widodo di BIJB Kertajati, Polres Majalengka Kekep Ngajaga Kaamanan

Ketua Lembaga Pemberdayaan Masyaralat Desa (LPMD) Desa Parungserab, Entis Sam ST,netelakeun naon rupa kagiatan pangwangunan anu dilaksanakeun ku pamarentahan Desa Parungserab mudah-mudahan mangfaatna bisa dirasakeun ku sakumna masarakat.*** Lili Guntur