Network
GALURA - DPC PDI Perjuangan Kabupaten Majalengka ngagelar Pelatihan Pelatih Saksi Daerah (PPSD) Kabupaten Majalengka, tempatna di Gedong Islamic Centre Majalengka, Ahad - Senen, 9-10 Juli 2023. Anu miluanana PAC PDI Perjuangan sa-Kabupaten Majalengka.
PPSD PDI Perjungan Kabupaten Majalengka dibuka sacara resmi ku bendahara DPD PDI Perjuangan Jawa Barat, Hj. Dr. Ineu Purwadewi Sundari, SE., MM. “PPSD kawilang penting, sangkan urang unggul dina pemilu 2024 di sakumna tingkatan,” ceuk Ineu.
Ineu nu oge Wakil Ketua DPRD Jabar nyebutkeun DPD PDI Perjuangan Jawa Barat daria nyiapkeun pelatih saksi di satiap daerah. Anu geus dilatih engkena jadi saksi di tiap TPS, kaasup TPS nu aya di Kabupaten Majalengka.
Baca Juga: Majalah Sunda, Dipedalkeun ku Ajip Rosidi, Teuneung Ludeung Ngayonan Media nu Nyokong PKI
Ineu oge cumeluk ka sakumna pamilon pikeun bisa miluan pelatihan kalayan hade oge daria. “Supados janten bekel dina urang ngawujudkeun kunggulan partey. Saksi ujung tombak partey di tiap TPS,” pokna.
Patalina jeung pendataan pemilih nu geus dilaksanakeun, Ineu miharep sakumna pihak bisa ngamangaapaatkeun data kalayan sahade-hadena tur pikeun ngawujudkeun cita-cita partey.
“Data-data nu tos aya, babakuna nu aya patalina jeung pemilih, saena supados tiasa dipetakan. Ku ayana data-data urang tiasa oge ningal tur ngarancang gerak lengkah urang kapayunna,” ceuk Ineu.
Anggota DPR RI Dapil Jabar 9 (Subang, Majalengka, Sumedang) Tb Hasanuddin, netelakeun PPSD teh taekah sangkan kualitas pemilu luyu jeung nu diharepkeun.
Baca Juga: Juag Kurban Sapi
Ketua DPC PDI Perjuangan Kabupaten Majalengka, Karna Sobahi, nyebutkeun pamilon PPSD kader-kader partey nu geus diseleksi ku mekanisme partey.
