Network
GALURA- Dina taun 1990-an, hususna di Kabupaten Kuningan aya patugas pamarentahan anu disebut Jupen. Jupen teh singgetan tina juru penerang, aya dina papayung departemen penerangan (depen).
Dina mangsa harita, di ieu daerah tatar wetan Provinsi Jawa Barat teh aya 78 urang Jupen, anu miboga pancen mere penuyuluhan ka masarakat utamana di padesaan.
Saurang jupen miboga sababaraha wilayah desa binaan.
Pikeun urang desa harita, geus henteu bireuk deui anu disebut jupen.
Teu rek kitu kumaha, ku sabab miboga pancen anu penting di lingkungan masarakat. Enya mere penerangan saniskara beja utamana mgait kana program pangwangunan.
Ti saprak departemen penerangan dibubarkeun dina taun 1996, pagawe pamarentah anu mancen jupen teh parindah ka instansi sejen. Aya anu mancen di dinas lingkungan hidup, dnas perhubungan, jeung instansi sejenna.
Rereana mah anu kungsi jadi jupen di Kabupaten Kuningan teh geus pagsiun. Aya diantarana anu masih keneh mancen gawe. Diantarana di Dinas Kependudukan dan Catatan Sipil (Disdukcapil) Kabupaten Kuningan, aya oge nu mancen di Badan Penanggulangan Bencana Daerah (BPBD) Kabupaten Kuningan.
Salila kurang leuwih 20 papisah tina pancen gawe minangka jupen, jupen-jupen anu geus pangsiun jeung masih keneh mancen gawe di instasi sejen, Ahad, 8 Juli 2023, ngayakeun tepung lawung di Aula Lembaga Penyiaran Publik (LPPL) Kabupaten Kuningan.
Puguhu acara, Dedi Magrib, nyebutkeun ngayakeun acara kawas kitu teh utamana mah pikeun meungkeut silaturahmi. Kahareupna rek diayakeun saban taun. Sajaba ngaraketkeun silaturahmi, ngabantu pamarentah hususna mekarkeun informasi.
“Hoyong ngariung sapertos kieu teh, saleresna mah tos kapungkur, sababaraha taun kalangkung. Alhamdulillah ayeuna tiasa kalaksanakeun,” ceuk Pupuhu acara, Dedi Magrib, ka Galura.
Kepala Dinas Komunikasi dan Informatika (Diskominfo) Kabupaten Kuningan, Dr. Wahyu Hidayah, M.Si, ngabageakeun kana eta acara. Sanajan geus henteu deui mancen minangka juru penerang, masih miboga kapadulian dina widang informasi.
