Network
GALURA - Anggota DPR RI, KH Maman Imanulhaq, Saptu (8/7/2023), ngaluuhan Pagelaran Budaya Sadar Bencana di Alun Alun Sumedang, Jawa Barat nu digelar ku Badan Nasional Penanggulangan Bencana (BNPB). Rebuan masarakat tembong antusias lalajo pintonan seni, atraksi silat, jeung pagelaran musik etnik.
Salian anggota DPR RI KH Maman Imanulhaq, pajabat lianna saperti Kepala BNPB Letjen TNI Suharyanto, Bupati Sumedang Dony Ahmad Munir, Anggota DPR RI Itje Siti Dewi Kuraesin, Deputi Bidang Pencegahan BNPB Prasinta Dewi, jeung Kepala BPBD Jabar, Dani Ramdan ngaluuhan Pagelaran Budaya Sadar Bencana di Alun Alun Sumedang.
KH Maman Imanulhaq nu jadi anggota DPR RI ti PKB dina sambutanna dina Pagelaran Budaya Sadar Bencana di Alun Alun Sumedang ngungkabkeun apresiasina kana inisiatif BNPB nu geus ngagelar malam budaya sakaligus sosialisasi sadar bencana ka masarakat.
Baca Juga: Majalah Sunda, Dipedalkeun ku Ajip Rosidi, Teuneung Ludeung Ngayonan Media nu Nyokong PKI
Ceuk KH Maman Imanulhaq, ieu acara nu dipokalan ku BNPB penting pisan lantaran efektif numuwuhkeun kasadaran masarakat kana resiko bencana nu mindeng ngadodoho.
Mitigasi bencana, ceuk KH Maman Imanulhaq, salian dilaksanakeun ku paraekan elmu pangaweruh jeung saintis, oge bisa dilaksanakeun ku metode kearifan lokal. Sakuduna sakumna masarakat ngamumule alam jeung ngurangan faktor-faktor nu ngabalukarkeun bencana.
Satuluyna KH Maman Imanulhaq bareng Direktur Pemulihan dan Peningkatan Sosial Ekonomi dan Sumber Daya Alam BNPB, Eny Supartini, Itje Siti Dewi, Sekretaris Daerah (Sekda) Kabupaten Sumedang Herman Suryatman sarta Sekda Kabupaten Sumedang marelakatangkalan di Cimanggung.*** Ayank R Sambara
