Network
GALURA-Dinas Perhubungan (Dishub) Kabupaten Bandung, taun 2023 nargetkeun Rp 2 miliar tina sektor parkir asup kas daerah.
Sajaba nargetkeun tina sektor parkir, oge nargetkeun Rp 5 miliar tina sektor pengujian.
Taun 2022, sektor parkir anu asup kana kas daerah badagna Rp 1,2 miliar, bisa ngahontal target 100 persen.
Baca Juga: Bupati Bandung Nyangking Gelar Doktor, Uya Mulyana : Kudu Jadi Tuladeun
Ari tina pengujian kandaraan ngahontal Rp 4 miliar.
Kepala Dishub Kabupaten Bandung, Drs. Imam Irianto, nyebutkeun nepika triwulan munggaran boh Tina sektor parkir boh pengujian geus asup 25 persen.
Keur ngahontal target tina sektor parkir jeung pengujian, pihakna ngayakeun palayanan mobile, nyaeta mere palayanan nguriling ka sabaraha daerah.
Ceuk Imam, satuluyna, kituna henteu semet pikeun ngudag target. Tapi miboga udagan mere palayanan hade pikeun anu butuh palayanan uji kandaraan.
"Teu kedah tebih-tebih sumping ka Soreang, aya patugas uji kandaraan anu dijadwalkeun masihan palayanan mobile di daerah-daerah" ceuk Imam, di rohangdn gawèna, Rebo (8/3/2023).***
