GALURA-Sajumlah patugas Unit Pelaksana Teknis pemadam kebakaran (UPT Damkar) Satuan Polisi Pamong Praja (Satpol PP) Kabupaten Kuningan, nepakeun elmu pangaweruh ka murid-murid TK Alam Islam Terpadu Fajar Sidik, di Ciarja Kelurahan Ciporang, Kecamatan Kuningan, Jumaah, (24/2/2023).
Dina nepakeun pangaweruh, teu kawas ka murid sakola SMA, mahasiswa, ieu mah semet wawanohan sual gawe anu biasa dilakonan ku patugas Damkar.
Baca Juga: Ngamarudahkeun Warga, Monyet Liar Ditewak Ku Patugas Damkar
Sanajan kitu, sakalian nepakeun sual atikan ngeunaan bahaya kahuruan, cara ngungkulan kahuruan alatan selang tabung gas elpiji bocor, ditujukeun pikeun kolot murid-murid eta TK.
Kepala UPT Damkar Satpol PP Kabupaten Kuningan, Mh. Khadafi Mufti, nyebutkeun pihakna nyumponan eta atikan dumasar pamundut Kepala TK. Alam Islam Terpadu Fajar Sidik.***