GALURA-Fakultas Hukum (FH) Universitas Kuningan (Uniku) mufakat meungkeut rukun gawe reujeung FHP Law School pikeun nampa beasiswa ti lembaga kasebut.
Dua pihak neken kasaluyuan rukun gawe atawa MoU (Momerandum of Understanding) jeung MoA (Memorandum of Agreement), di Gedong Student Center (SC) Iman Hidayat Kampus I Uniku, Salasa (21/2/2023).
Aya 10 mahasiswa Uniku Pendidikan Khusus Profesi Advokat (PKPA) panghadena anu nampa beasiswa ti FHP Law School.
Baca Juga: Tilu Mahasiswa Uniku Nyangking Juara 1 Asean Start
Sajaba ti eta, oge beasiswa pikeun sakumna Dosen FH Uniku. Lian ti beasiswa, FHP Law mere waragad PKPA DPN badagna Rp 2.750.000 pikeun wisudawan/wisudawati peserta Yudisium/Wisuda FH Uniku.
Eta beasiswa PKPA, diharepkeun bisa ngarojong target lulusan FH Uniku ngalahirkeun lulusan anu profesional di bidang hukum.
Wakil Rektor IV Uniku, Dr. Haris Budiman, S.H., M.H., nyebutkeun
Kemdikbud nyieun kawijakan Belajar Kampus Merdeka (MBKM) pikeun ngarojong sakumna paguron luhur di Indonesia.
Baca Juga: Mahasiswa Uniku, Ngadeudeul Kamekaran Wisata Ngaliwatan Poster Jeung Video
Ceuk Haris, eta teh tangtuna wae pikeun ngalakonan rukun gawe anu rancage, atawa anu disebut kolaborasi reujeung sakumna stakeholder paguron luhur.
"Paguron luhur ditungtut pikeun ngalakonan rukun gawe, heunteu semet reujeung pamarentah puseur, pamarentah daerah, tapi oge reujeung sasama paguron luhur, sasama praktisi, " ceuk Haris.
Editor: Ajun Mahrudin