Network
GALURA - Kumeli jeung buncis kenya hasil tatanèn para patani binaan Bumdes Pulosari Handal Kecamatan Pangalengan, Kabupaten Bandung, mitembeyan diekspor.
Ekspor ieu diresmikeun ku Menteri Desa Pembangunan Daerah Tertinggal (PDT), dan Transmigrasi (Trans) RI A. Halim Iskandar jeung Bupati Bandung Dadang Supriatna, Salasa (21/2/2023).
Dadang Supriatna nyebutjkeun, pamarèntah terus narèkah ngarojorong ékonomi désa ku ngamalirkeun dana désa tina program pengembangan Bumdes Pulosari Handal.
Nurutkeun Bupati Bandung, ekspor katut investasi konci penting keur tumuwuhna ekonomi, pikeun neken kamiskinan.
"Sim kuring ngaaprésiasi pisan kamajuan para patani binaan Bumdes Pulosari Handal, nu dinten ieu mitembeyan ekspor kumeli sareng buncis kenya ti Pangalengan ka Singapura," ceuk Dadang Supriatna.
Baca Juga: Desa Tigaherang Rajadesa, Desa Kopi di Kabupaten Ciamis jeung di Jawa Barat
Bupati miharep ekspor terus laju, sarta kuantitas pangiriman leuwih ngaronjat.
Dina kasempetan nu sarua, Menteri Halim Iskandar nètèlakeun, pihakna baris terus ngarojong ekspor hasil tatanén.
Ku ayana lolongkrang eskpor katut pasar lokal nu alus, ceuk Halim, sakabèh produk pertanian hasil binaan Bumdes atawa hasil kelompok tani bisa kapasarkeun.
