Network
GALURA- Runtah nu ngahunyud di sabudeureun Pasar Baleendah, Kecamatan Baleendah, Kabupaten Bandung, nepika kiwari tacan keneh diakut ku patugas Dinas Lingkungan Hidup (DLH) Kabupaten Bandung .
Padahal, numpukna runtah di sabudeureun eta pasar teh ti munggaran Januari 2023.
Baca Juga: Aya Oray Kobra Hareupeun Panto Imah, Warga Menta Tulung Patugas Damkar
Nu ngalantarankeunna mah, ku sabab aya masalah di Tempat Pembuangan Akhir (TPA) Sarimukti KBB.
Sakumaha ditetelakeun ku Kepala Pasar Baleendah, Ginanjar, pihakna geus ngajukeun ka DLH ti tanggal 5 Januari 2023 sangkan runtah diakut.
Ceuk Ginanjar, saenyana pangangkutan runtah di Pasar Baleendah geus kajadwal ti poé Senen tepi ka Juma'ah.
" Ku lantaran aya masalah di TPA- Sarimukti KBB, ngabalukarkeun runtah can diangkut," ceuk Ginanjar, Semen, (30/1/2023).
Baca Juga: Pangurus Koni Jabar Pebruari Diistrenan, tapi Waktuna Can Pasti
Ceuk Ginanjar, satuluyna, ngahunyudna runtah di Pasar Baleendah, saenyana lain semet runtah ti pasar, tapi lolobana mah ti luareun pasar.
Baca Juga: Kopi Munding, Urang Rajadesa geus Mikawanoh Pelak Kopi ti Jaman Walanda Mula
Ginanjar ngeceskeun, runtah nu dihasilkeun di Pasar Baleendah kurang ti sakontainer sapoéna.
Lolobana pamiceunan ti luar, alatan di lelewek Pasar Baleendah teu aya ttitik layanan pamiceunan runtah.
Ginanjar nyebutkeun, DLH ngajadwalkeun bakal ngangkut runtah nu geus saluhur 2 meter tur manjang kana 15 meter ieu poé Salasa atawa Rebo.
Ngan, numutkeun béja anyar, ceuk Ginanjar DLH liwat UPT PS Wilayah Baleendah karék bisa gangkut runtah ieu poé Kemis, 2 Januari 2023.***
