GALURA - Pemkab Bandung meunang Anggaran Biaya Tambahan (ABT) panyusunan Rencana Detail Tata Ruang (RDTR) taun 2023 ti pamarètah pusat liwat Kementerian Keuangan jeung Kementerian ATR BPN Republik Indonesia.
"Alhamdulillah, Kabupaten Bandung jadi salasawios kabupaten ti 115 kabupaten di Indonesia nu kéngéng bantuan ABT ieu,” ceuk Bupati, Senén (27/3/2023).
Kapilihna Kabupaten Bandung, ceuk Dadang Supriatna, ku lantaran opat wilayahna asup kana 500 daérah nu pangmikat investasina di Indonesia.
Ku kituna Bupati Bandung nganuhunkeun ka Kementerian ATR/BPN, nu geus mèrè kasempetan jeung kapercayaan ka Kabupaten Bandung pikeun ngokolakeun ABT ieu. "Dugi ka naon nu diangen-angen ku Pa Presiden, bisa diwujudkeun di daérah," pokna.*** Sopandi