Network
GALURA-Badan Pendapatan Daerah (Bapeda) Kabupaten Bandung, Sosialisasi SOP Penyampaian Surat Pemberitahuan Pajak Terutang (SPPT) PBB 2, di Hotel Sunshine Soreang, Rebo (14/2023).
Pesertana ngalibetkun 338 urang kepala dusun jeung kolektor pajeg ti 280 desa, nu kawengku 31 kecamatan sa-Kabupaten Bandung.
Ari panyaturna di antarana Bupati Bandung Dadang Supriatna. Sajaba ti Dadang, oge aya nara sumber ti Kejaksaan Negeri Bale Bandung, Kapolresta Bandung, jeung BPKP Perwakilan Jawa Barat.
Baca Juga: Di Desa Tugumulya, Runtah Bisa Dipake Mayar Pajeg
Kepala Bapeda Kabupaten Bandung, Erwan Kusuma Hermawan dibarengan Kabid Pajak 2 Adid Nurulloh, eta sosialisasi pikeun ngaronjatkeun kapasitas jeung kapabilitas para kadus jeung kolektor desa.
“Para kadus sareng kolektor, salaku pihak nu ditugaskeun nepikeun SPPT PBB 2 ka wajib pajak, pikeun ngagancangkeun palayanan sareng lebetna pajeg panjeg dina waktuna," ceuk Erwan.
Sajeroning kitu, Bupati Bandung, Dadang Supriatna nyebukeutkeun, pendapatan asli daerah (PAD) Kabupaten Bandung ngaronjat tina Rp 962 miliar jadi Rp 1,237 trliun. (data 2021-2022).
Eta teh salah sahiji di antarana tina sektor pajeg, henteu pukah tina peran kadus jeung kolektor.
“Sim kuring nganuhunkeun hususna ka para kepala dusun sareng kolektor pajeg sa Kabupaten Bandung, dina tarekah ngiring ngaronjatkeun PAD," ceuk Dadang.***
