Network
Samaruk éta begal, nu ajol-ajolan dina pésak téh mahluk kajajadén nu diingu ku Aki Jasmita.
"Hampura, Ki Sanak, déwék moal kumawani ngaganggu deui. Sakali deui hampura, ampun paralun," ceuk nu jadi jadug begal bari ngasongkeun leungeun menta hampura ka Aki Jasmita, disusul ku babaturana.
Geus kitu mah tuluy barirat balik deui ka panyumputanana. Ngabegal Aki Jasmita henteu tulus.
Aki Jasmita seuri, terus ngincig deui nuluykeun lalampahanana mulang ka lemburna. Ari bangkong pabeasanana dileupaskeun rada jauh ti tempat inyana dipegat ku begal.***
