Network
GALURA.CO.ID. - Dina acara Festival Film Wartawan Indonesia (FFWI) 2023 anu lumangsung di Gedung Pusat Perfilman Haji Usmar Ismail (PPHUI), Jumaah, 27 Oktober 2023, aya surpise pikeun sakumna insan film Indonesia. Sabab, pikeun nu munggaran dina festival film anu diayakeun di Indonesia, genre horor meunang pangajén Best of the Best, sarta ngarebut Piala Gunungan Emas.
Dina éta acara, film karya Charles Gozali téh nyangking opat Piala Gunungan pikeun kategori Film Terbaik, Penata Kamera Terbaik (Hani Pradigya), Sutradara Terbaik (Charles Gozali), jeung Aktor Utama Terbaik (Vino G. Bastian).
Ketua Dewan Juri Awal Miftachul Arifin, Ketua Dewan Juri Akhir Adisurya Abdy, dibarengan ku wawakil panitia FFWI sapuk milih Qodrat pikeun kategori husus Best of the Best, lantaran prestasina nu geus dihontal ku éta film. “Pamilihan ieu kategori khusus téh dumasar kana kasaluyuan pencapaian estetika, pencapaian pengetahuan (pangaweruh), sareng pencapaian éta film dina sektor industri,” ceuk Adisurya Abdy.
Baca Juga: Siliudag dina FFWI 2023, Unggulan Film Horor jeung Para Aktorna
Direktur Penjurian Tertiani ZB Simanjuntak, anu ogé mupuhuan éta penjurian husus, nyebutkeun film Qodrat geus bisa ngabuktikeun yén film horor Indonesia boga potensi gedé pikeun terus mekar. Film Qodrat ngabogaan daya tarik global teu béda jeung film nu dijieun dumasar carita komik tapi tetep ngakar dina budaya reliji Indonesia.
Sutradara film Qodrat, Charles Gozali, bari mawa piala anu ditarimana, ngungkabkeun rasa gumbirana anu tan wates wangen. "Sim kuring leres-leres henteu nyangka bakal nampi seueur penghargaan ti FFWI. Ieu hasil damel sadayana anu aub dina garapan film Qodrat. Tanpa aranjeunna Qodrat moal sakumaha saéna. Hatur nuhun ka panitia FFWI 2023 anu parantos ngaapresiasi ieu film," ceuk Charles Gozali anu dibarengan ku bapana, tokoh film Indonesia, Hendrick Gozali.
Dina daftar nu nyangking Film Terbaik FFWI 2023, genre Drama dimeunangkeun ku film Autobiography, Action ku film The Big 4, sarta Komedi dimeunangkeun ku Star Syndrome.
Baca Juga: Ngagumebyarkeun HUT ka-35, Perumdam TBR Majalengka Gelar Bakti Sosial jeung Pangajèn keur Warga
Lumangsung dua sesi
