Sirep Tarawangsa Rancakalong Sumedang, Ningali Nini Oneh Kasarumahan jeung Nyebut 'Nana nu Sieun Dibedil'

Keur nu kakara mah matak helok ningali kalakuan nu keur ngibing teh.

Tapi ari urang dinyana mah geus teu helok jeung aneh deui. Malah mah, urang Rancakalongna mah atoh, bungah nangenan nu kitu teh, komo dina acara gede model Upacara Tradisi Ngalaksa mah.

Baca Juga: Sampyong Seni Tarung nu Mimiti Mekar di Desa Baribis Majalengka, Ceuk Tb Hasanuddin, Perlu Regenerasi

Enya, apan gibingna Nini Uneh teh di Desa Wisata Rancakalong Kabupaten Sumedang, dina Upacara Tradisi Ngalaksa, sawatara waktu ka tukang, samemeh dieureunkeun alatan aya sasalad Covid 19. 

Ieu upacara diayakeun kalawan tujuan keur ngedalkeun rasa sukur patani Rancakalong kana hasil tatanen salila sataun.

Ari Nini Uneh, nurutkeun kateranganana basa ngobrol jeung Galura, urang lembur Cijere nu anggangna kurang leuwih 4 km ti Desa Wisata.

Baca Juga: Nénéng Dinar: Kudu Aya ‘Political Will’ ti Pamaréntah pikeun Mekarkeun Seni Tradisi di Jawa Barat

Manehna ngaku meh unggal aya pagelaran Tarawangsa ngahaja datang jeung ngibing.

"Panasaran wae, wios sok asa kasirep sareng kasarumahan oge. Da kitu ari ngibing tarawangsa mah," pokna.

Ari kasarumahan teh nyaeta kaayaan jalma nu teu sadar alatan kaasupan luluhur.***