Network
Baca Juga: Ti 1 Juni 2023 Kareta Api nu Eureun di Stasiun Ciamis Leuwih Loba
Teu hésé saenyana mah, ceuk pikirna deui, lamun seug nu jahatna kanyahoan. Tinggal nyerek wé. Tinggal gusur wé ka dieu. Tinggal jagragkeun wé ka hareupeun. Geus teu kudu ditalék deui ku naon manéhna bet maténi nu jadi raja, tinggal hiet wé ngaheumbatkeun pedang. Tuman!
Tuh pan, mungguh babari, teu hésé!
Tapi kapan masalahna lain éta.
Nu jadi masalah téh, boh Oidipus boh paragegedén, komo rahayat mah, teu nyaho samasapisan kana kajadianana. Naon nu rék dijadikeun bukti? Saha nu bisa dijadikeun saksi?
Salila-lila ngahuleng, Oidipus can baé manggih pijalaneun.
"Di mana Raja Laius téh dipaténina?" ceuk Oidipus tuluyna, sanggeus ngaheneng salila-lila.
"Di satengahing lalampahan rék ka Orakel-keun, Rayi," témbal Kreon.
Baca Juga: Ti 1 Juni 2023 Kareta Api nu Eureun di Stasiun Ciamis Leuwih Loba
"Rék ka Orakel-keun? Naha mémang harita téh Raja Laius aya tanyakeuneun ka Orakel?" Oidipus mencrong seukeut ka lanceuk dahuanana.
