Network
GALURA.CO.ID -Bunda Literasi Kabupaten Bandung, Hj. Emma Dety Dadang Supriatna, nètèlakeun ngokolakeun arsip nu hadè teu ukur di instansi atawa pamarèntahan, tapi oge di kulawarga, entitas leutik di masarakat sakuduna tartib arsip.
Kituna ditepiken Emma Dety basa ngaluuhsn launching aplikasi Sistem Informasi Layanan Cepat Arsip (Silancar Bedas), jeung aplikasi i-bandungkab (perpustakaan digital), sakaligus ngaresmikeun Taman Arsip jeung pamasrahan 15 unit motor baca (Torca) di Gedung Depo Arsip Dinas Perpustakaan dan Arsip (Dispusip) Kabupaten Bandung di Soreang, Salasa 12 Desember 2023.
Ceuk Emma Dety, arsip pribadi milik kulawrga tèh data penting nu perlu dijaga fisikna, ngajamin katartiban arsip kulawarga nu lengkap tur kapercaya nu bisa dijadikeun alat bukti nu sah.
Baca Juga: Bapenda Kabupaten Bandung Sosialisasi Penerapan Manajemen Resiko
"Ku kituna, Dinas Perpustakaan dan Arsip ngajurung warga merhatikeun arsip kulawarga: ngeunaan manajemen arsip ngawitan ti rorompok (mulai dari rumah, marimar)," ceuk Emma Dety.
Bunda Bedas nyebutkeun, arsip kulawarga dilakukeun sacara mandiri ku saban anggota ku penciptaan, pemberkasan tur perlindungan arsip.
"Arsip nu lebet kana arsip kulawarga contona; ijazah sekolah, KTP, akta kelahiran dugi ka akta kematian," pokna.
Ku progran marimar, inyana miharep masyarakat bisa leuwih malirè kana arsip, jeung bisa ngajaga karusiahan tur kelengkapan arsip kulawarga.
Iwal ti program marimar, ceuk Emma Dety, Dispusip ogè ngabogaan program Getar Rasa atawa gerakan tertib arsip dan sejarah desa.
