Network
GALURA.CO.ID -Bupati Bandung, Dadang Supriatna, masrahkeun bantuan 15 unit kandaraan roda tilu Torca (motor baca), jeung waragad operasiaonalna Rp 30 juta sakacamatan. Ieu bantuan rahap kahiji keur 15 kecamatan di Kabupaten Bandung.
"Torca mawa misi penting: nyengker angka putus sakola, ngirangan pernikahan dini, tur nebihkeun murangkalih tina kegiatan negatip. Engkè bukuna tiasa dilengkepan tina wakaf buku masarakat," ceuk Bupati Bandung dina lolongkrang acara pamasrahan Torca di Depo Arsip Dispusip Kabupaten Bandung, Salasa, 12 Desember 2023
Saban Torca baris nguriling ka lembur-lembur pikeun ngaronjatkeun minat maca masarakat utamana barudak. Torca kawas parpustakaan keliling, ngan aweuhanana leuwih lega sabab bisa asup ka gang-gang heureut nu teu kahontal ku mobil perpustakaan keliling.
Baca Juga: Bupati Bandung Ngalaunching Aplikasi Silancar Bedas jeung i-Bandungkab
"Simkuring nitip, Torca ulah dugi ka ukur janten hiasan. Ulah ngajugrug di kaantor kacamatan, tapi kedah dioperasionalkeun kanggo numuwuhkeun minat baca mururangjalih," ceuk Bupati Bandung.
"Punten rumat motorna, insha Allah Januari engke (2024) simkuring mèsèr deui 16 Torca kanggo 16 kacamatan nu teu acan kabagèan, sareng waragad operasionalna," pokna deui. *** Sopandi
