Bupati Bandung Rembug Bedas di Tilu Desa Camat Pasirjambu Nganuhunkeun

GALURA.CO.ID -Juma'ah, 8 Desember 2023, Bupati Bandung, Dadang Supriatna, ngalaksanakeun Rembug Bedas di tilu desa jeung Jum'at Keliling (Jumling) ka-83 di Masjid Besar Pasir Jambu.

Dimimitian jam 8.00 WIB Rembug Bedas ka-65
di Balè Desa Tenjolaya, Kecamatan Pasirjambu. Rembug Bedas ka-66 di Balai Desa Cukang Genteng Kecamatan Pasir jambu jam 13.00 WIB sabada Jumling.

Dituluykeun Rembug Bedas ka-67 di Balai Desa Gandasari Kecamatan Katapang, kaburitnakeun. Rembug Desa teh tujuanana  ngawadahan aspirasi jeung bangbaluh warga di desa.

Baca Juga: Keris Naga Siluman jeung Keris Setan Kobar, Keris ti Tatar Sunda  Masih Diteteangan ku Kolektor Keris Pusaka

Rembug Bedas di Desa Tenjolaya, Kecamatan Pasirjambu, saperti Rembug Bedas samèmèhna, Bupati Bandung dibarengan Kepala DPMD Kabupaten Bandung H. Tata Iriawan jeung rèhg-rengan.

Camat Pasirjambu, Nia Kania, S.PT., M.I.L, nganuhunkeun ku dilaksanakeunana Rembug Bedas di wilayah Kecamatan Pasirjambu: di Desa Tenjolaya jeung Cukanggenteng, tur Jumling di masjid Besar Kecamatan Pasirjambu.

Nia miharep, ku Rembug Bedas 13 program prioritas Bupati Bandung bisa dilaksanakeun sacara optimal di wilayah Kecamatan Pasirjambu.

“Alhamdulillah mangpaatna karaos ku warga masarakat Pasirjambu. Kartu tani, insentif guru ngaji, pinjaman modal dana bergulir, sareng insentif kanggo RT/RW," pokna.*** Sopandi