Network
GALURA.CO.ID - Sanajan hujan ngagebret, Kapolres Majalengka Polda Jabar, AKBP Indra Novianto,S.I.K., M.Si, CPHR, tetep sila maturan elemen buruh: F. SP TSK-R KSPSI Kabupaten Majalengka, SPN, F PPMI, KSPSI ATUC, nu unjuk rasa (unras) di kantor Kokardan Kabupaten Majalengka, Kemis (23/11/2023).
Harita Kapolres Majalengka Polda Jabar, dibarengan Wakapolres Majalengka, Kompol Bayu Purdantono,S.I.K.,M.I.K, sarta sakumna pejabat utama Polres Majalengka ditambah personil pengamanan.
Kaputusan Kapolres sila bareng jeung nu UNRAS bari huhujanan nembongkeun komitmen aparat kapulisian kana aspirasi masarakat kalayan pinuh empati.
Baca Juga: PGRI jeung Disdik Majalengka Ngagelar Seminar Transformasi Kurikulum Merdeka
Sakumna nu unras nu minuhan pakarangan orasi ngeunaan nolak tur meredih dicabutna PP no 51 taun 2023.
"Sanajan hujan kacida badagna, Kapolres Majalengka tetep aya di tengah-tengah sakumna pengunjuk rasa, hal ieu nembongkeun kategasan tur kapadulian kangge tungtutan masarakat," ceuk Wakapolres Majalengka, Kompol Bayu Purdantono milu nyoarakeun pentingna dialog katut pemahaman bareng dina aspirasi masarakat.
"Simkuring katut rengrengan pejabat utama Polres Majalengka, hoyong nangtoskeun aspirasi masarakat didangu kalayan hade," ceuk Kapolres Majalengka.
"Sanaos hujan ngagebret, teu ngirangan sumnget perjoangan dina ngajagi situasi tetep kondusif tur ngadangukeun tungtutan masarakat," ceuk AKBP Kapolres Indra Novianto.
