Network
GALURA.CO.ID. Ketua Dewan Pers, Ninik Rahayu, nyebutkeun sertifkat wartawan nu geus tilu kali warta nu dijieunana dilaporkan ka Dewan Pers bakal dicabut. Ieu teh udaganana sangkan wartawan bener-bener ngestokeun kode Etik Wartawan Indonesis (KEWI) jeung palaturan sejenna ngeunaan pers.
Ninik netalakeun hal eta waktu muka Ujian Kompetensi Wartawan (UKW) di Hotel Harper Purwakarta, Jumaah, 20 Oktober 2023. Ninik nyebutkeun salila taun 2022 kamari, Dewan Pers nampa pangaduan lobana 690 sarta warta nu diadukanana loba nu ditulis ku wartawan nu geus lulus UKW (Ujian Kompetensi Wartawan) sarta geus meunang sertifikat.
“Wartawan nu geus lulus UKW wae warta nu ditulisna dikelakeun, komo tulisan wartawan nu tacan UKW,” ceuk Ninik. Tina 690 kasus anu dikelakeun ka Dewan Pers, 90 persen bisa direngsekeun kalayan beres roes.
Baca Juga: Totok Suryanto: Media Mainstream Kudu Waspada dina Nyanghareupan Kamotekaran Konten Media Sosial
Di tempat nu sarua, anggota Ketua Komisi Pendidikan, Pelatihan, dan Pengembangan Profesi Dewan Pers, Paulus Tri Agung Kristanto, nyebutkeun tepi ka taun 2023, wartawan nu geus lulus UKW aya 25535 urang.
“Jumlah sakitu teh kira-kira ukur 10 persen tina jumlah wartawan di urang,” pokna. Di nagara urang jumlah media, boh online boh cetak, nu kacatet di Dewan Pers lobana 50 rebu. Dicokot saeutikna, unggal media mibanda boga wartawan 5 urang, hartina aya 250 rebu wartawan.
Tri Agung nyebutkeun wartawan dikudukeun mibanda sertifikat profesi wartawan sangkan wartawan mibanda kompetensi dina jurnalis. Tina kituna warta nu dihasilkeunana luyu jeung palaturan sarta luyu jeung hakekat jurnalistik: mihak kana bebenaran (kebenaran), mihak kapentingan warga, jeung dumasar kana hati nurani.***
