Network
GALURA.CO.ID -Ketua Komisi Hubungan Antar Lembaga dan Luar Negri Dewan Pers, Totok Suryanto, nyebutkeun media maenstream kudu waspada kana kamotekaran konten media sosial (medsos).
Totok Suryanto netelakeun hal eta ngajawab panalekan Galura dina pra UKW nu digelar ku Dewan Pers di Hotel Harper Purwakarta, Kemis, 19 Oktober 2023. Galura ngasongkeun patalekan pedah loba medsos nu geus ngestokeun kaidah-kaidah jurnalistik.
Galura oge nyutat tulisan Bill Kovach dina buku Elemen Jurnalistik edisi revisi. Bill Kovach nyebutkeun bukuna teh lain ukur keur wartawan tapi oge keur masarakat.
Baca Juga: Amplop Titipan di Resepsi Kawinan, Lain keur Nitipkeun Amplop nu Rek Dicokot deui
Tujuanana sangkan masarakat dina nyieun konten medsos merhatikeun prinsip-prinsip dasar jurnalistik, minimal 5 W 1 H.
Tulisan Bill Kovach ngandung harti ku kamekaran teknologi informasi (TI) babakuna medsos jeung gampang nyieun media massa online, masarakat bisa jadi wartawan: nulis berita, nyieun konten jeung nayangkeun hasil karyana di medsosna atawa dina media onlinena.
Mun masarakat dina nyieun konten medsos geus loba nu ngestokeun kaidah jurnalistik, bisa jadi hiji mangsa media maenstream leuwih kaseangan. Komo deui masarakat dina nyieun konten medsos estu mandiri.
Tina kituna Totok Suryanto nyebutkeun media mainstream kudu waspada dina nyurahan kamekaran eusi konten medsos nu gancang viralna. "Geura, urang mah, media mainstream nu bener-bener ngestokeun prinsip-prinsip jurnalistik (dina nyieun karya jurnalistik), ari medsos mah apan teu kitu," pokna.***
