Baca Juga: Lima Kasakit nu Kudu Dijauhkeun, papagon Sanghyang Siksa Kandang Karesian
Ku ngitung jeung nangtukeun poe make cara kitu bisa leuwih téréh 60% batan diitung sacara manual.
“Ku kituna etnomatematika téh bisa jadi tarékah pikeun ngamumulé budaya lokal utamana pikeun dokuméntasi jeung ngawanohkeun deui istilah-istilah jeung simbol matématika nu aya dina budaya lokal (Sunda),” ceuk Prof. Budi.
Prof. Budi meupeujeuhan guru ngajar di sakola, bisa ngadumaniskeun budaya bihari matematika téh dina ngajarkeun matématika kiwari. “Barudak kudu diwanohkeun deui kana budaya nu hirup di mangsa bihari,” pokna.
Ku cara kitu, ceuk Prof. Budi, étnomatématika téh bisa miara budaya ku jalan diterapkeun dina kagiatan sapopoé , dina ngalaksanakeun adat istiadat, seni, basa, kaulinan jeung olahraga tradisional.
Udaganana malahmandar, matématika nu sok dianggap matak kerung tur pikasieuneun barudak téh bisa robah jadi pikaresepeun.***