Network
GALURA Dina naskah Amanat Galunggung (kro¬pak 632) jeung Sanghyang Siksa Kandang Karesian (kropak 630), ceuk Otong, salasaurang tokoh Sunda, kapanggih konsép nu disebut tri tangtu (tilu kalungguhan).
“Konsep tri tangtu nu kaunggel dina Amanat Galunggung jeung Sanghyang Siksa Kandang Karesian lain aya di Sunda wungkul, tapi ogé di sélér bang¬sa séjén, ma¬lah geus dipika¬wanoh rébuan taun ka tukang, “ceuk Otong.
Otong nyontokeun tri tangtu nu dipimaksud dina Amanat Galunggung jeung Sanghyang Siksa Kandang Karesian, dina agama Hindu dipikawanoh Tri murti (tilu dewa utama): Wisnu, Siwa, jeung Brahma.
Baca Juga: Baheula alam Tatar Sunda Mere kahirupan jeung Huripna, Ayeuna...
Dina agama Katolik aya nu disebut Trinitas (Roh Kudus, Tuhan Ibu, jeung Tuhan Bapa). “Dina ajaran Islam soal konsép ‘tilu’ oge aya, dina Al Baqarah disebutkeun alif, lam, jeung mim, ngan tepi ka ayeuna tacan kapésék maksudna,” ceuk Otong.
Pamikiran-pamikiran holna tina filsafat ogé ngeunaan tri tangtu teh mucunghul. Plato (taun 427 Sememeh Masehi) dina bukuna Politea nyebutkeun nagara nu idéal teh nagara nu disusun ku tilu golongan; pamingpin (nu kudu rasional jeung wijaksana), tentara (nu wanian), jeung patani katut patukangan (ékonomi).
Mantesquieu ogé ngasongkeun pamikiranana ngeunaan wangun nagara teh nyoko ka tri tangtu, anu disebut Trias Politica, kakawasaan nagara téh dicekel ku législatif, yudikatif, jeung éksékutif.
Ayeuna Trias Politika dipaké ku nagara-nagara nu ngaku nganut démokrasi. “Jadi luluhur urang téh teu éléh dina ngasongkeun pamikiran ngeunaan nagara,” ceuk Otong.
Baca Juga: Pranatamangsa Sunda, Usum Hujan Panen Suung Cirina Siraru Rabeng
