“KA wetan.”
“Sarua. Kawali oge wetan ti dieu mah.”
“Bareng atuh.”
“Moal bisa daria mah tumpak kuda, kami leumpang.”
“Apan tadi ceuk dia leumpangna nu napak kana lemah ukur ramo suku. Malah bisa leuwih gancang batan lumpatna kuda….”
“Tapi kami bisana kitu di jalan tiiseun,” tembal Asmita.
Bena seuri.
“Daria rek miang deui iraha?” ceuk Asmita.
Bena ngalieuk ka Olot Kaya nu keur ngabandungan Aki Jaya nu keur cacarita bari pepeta. Olot Kaya terus rasa, laju ngareret ka Bena. Aki Jaya oge surti lantaran ngadenge patalekan Asmita, nyaritana henteu dipanjangkeun. Sanggeus mairan saperluna, Olot Kaya ngalieuk ka lebah diukna Putri Anjungsari jeung Ranah.