Network
GALURA.CO.ID -Kapolres Majalengka Polda Jabar, AKBP Indra Novianto, S.I.K., M.Si., CPHR., mingpin Apel Gelar Pasukan dina raraga Operasi Keselamatan Lodaya 2024 jeung Pencanangan Aksi Keselamatan di Jalan.
Apel lumangsung di Lapangan Apel Polres Majalengka, Saptu (02/03/2024). Diiluan ku sakumna personil anu kalibet dina operasi.
Dina kasempetan eta, Kapolres Majalengka macakeun amanat Kapolda Jabar, Inspektur Jenderal Polisi Dr. Akhmad Wiyagus, S.I.K., M.Si., M.M. Kagiatan apel gelar pasukan tujuanna keur ngacek kasiapan saacan operasi "Keselamatan Lodaya-2024" tur Pencanangan Aksi Keselamatan di jalan di wilayah Polda Jabar.
"Operasi "Keselamatan Lodaya-2024" dijadwalkeun 14 dinten, ngawitan kaping 4 dugi ka 17 Maret 2024," ceuk Kapolres. "Operasi ngalibetkeun 2.600 personil, 532 personil satgas Polda Jabar katut 2.068 personil satgasres jajaran," ceuk AKBP Indra Novianto.
Personil ngutamakeun tindakan simpatik, persuasif, jeung humanis. Jejer operasi "Keselamatan Lodaya-2024": "Keselamatan Berlalulintas Guna Terwujudnya Indonesia Maju."
“Tujuan operasi ngaronjatkeun disiplin jeung kataatan masarakat dina lalu lintas, nurunkeun angka fatalitas korban laka lantas, nu runkeun angka nu ngarempak lalu lintas, sarta ngawujudna situasi kamseltibcar lantas anu aman, merenah jeung salamet," ceuk Kapolres Majalengka.
Sasaran operasi di antarana sagala rupa potensi gangguan nyata, ambang gangguan, sarta gangguan nyata anu potensi ngabalukarkeun kamacetan, pelanggaran, katut laka lantas.
Baca Juga: Aya Naon Kapolres Majalengka Ngadongdon Kantor KPUD Majalengka?
