Network
GALURA.CO.ID -Media sosial Tik Tok keur rame magunemkeun naekna tarif asup ka objek wisata basisir Pangandaran, Jawa Barat, ti mimiti Jumaah, 5 Januari 2024. Naekna teh euleum-euleum: dua kali lipet batan taun samemehna.
Tepi ka Saptu, 6 Januari 2024, barendelan naekna tarif tacan dipasang dina lawang asup ka basisir Pangandaran. Atuh teu wudu rea nu ngajenghok, komo nu daratangna rombongan make beus mah, lantaran keur asup wungkul kudu ngaluarkeun biaya dua kali lipet.
Loba nu manghanjakalkeun pamarentah Kabupaten Pangandaran naekkeun tarif asup ka Pangandaran tepi ka 100 persen. Teu saeutik deuih nu nyebutkeun basisir Pangandaran engke mah bakal sepi, moal rea anu arulin.
Baca Juga: Museum Transportasi di TMII Jakarta, Pangjugjugan Wisatawan
Kituna teh sabab geus tepi ka di basisir Pangandaran oge kudu ngaluarkeun waragad deui: keur parkir. Malah mun nyimpang ka warung, ka took, oge dipulut parkir deui. Tacan kadaharan nu leuwih mahal batan di luar basisir Pangandaran.
Rea deuih nu ngabandingkeun jeung di Bali. Di Bali mah ulin ka basisir teh henteu dipulut karcis, sapeser oge. Padahal mah, basisir Kuta, contona leuwih kakoncara batan Pangandaran, rea turis mancanagara balawiri di Pangandaran.
Sabaraha tarif asup ka basisir Pangandaran? Ayeuna diitungna lain hiji mobil, hiji beus, atawa hiji motor. Tapi diitung sabaraha urang nu tumpakna. Saurangna dipulut Rp20.000,-.
Tarif saurang Rp20.000 teh geus kaasup ka objek wisata Batu Hiu. Ayeuna mah ti Pangandaran ka Batu Hiu teu kudu kaluar heula ti basisir Pangandaran, tapi bisa langsung mapay sisi laut. Kitu deui ti Batu Hiu rek ka Pananjung.
Di handap ieu asumsi tarif asup ka Pasisir Pangandaran:
