Network
GALURA.CO.ID -Komisi Pemilihan Umum (KPU) RI henteu deui ngagunakeun Sistem Informasi Penghitungan Suara (Situng) dina Pemilu 2024. KPU bakal ngalarapkeun Sistem Informasi Rekapitulasi (Sirekap) nu oge mibanda fungsi sarana publikasi keur masarakat.
Pikeun kaperluan hal eta Komisi Pemilihan Umum Daerah (KPUD) Majalengka ngagelar Bimbingan Teknis (Bintek) Pemungutan, Penghitungan, dan Rekapitulasi Hasil Pengitungan Perolehan Suara serta Penggunaan Aplikasi Sirekap dina Pemilu 2024, tempatna di Fieris Hotel Kertajati, Ahad (24 /12/2023).
Kagiatan nu dibuka Sekda Majalengka Drs. H. Eman Suherman, MM., diluuhan ku Staf Ahli Bupati, Ketua KPUD Majalengka jeung para Komisoner, Forkopimda, Diskominfo, Kesbangpol jeung ondangan lianna.
Baca Juga: Bawaslu Majalengka: Pentingna Peran Media di Unggal Tahapan Pemilu 2024
Ketua KPUD Majalengka H. Agus Syuhada nyebutkeun Pemilu 2024, 14 Februari 2024, tinggal 51 poe deui.
Nepi ka kiwari KPU Majalengka geus nampa kalengkepan Pemilu surat suara nu geus aya di gudang KPU. Di antarana surat suara DPRD kabupaten kota, DPRD Provinsi sarta DPR RI nu diteundeun di 5 gudang nu geus disewa KPU.
Gudangna teh, Gudang Sawargi Cicenang, Gudang Putra Jaya, Gudang Kilat Maju, Gudang Karayunan jeung Gudang KPU.
"Logistik surat suara nu tos aya di gudang, dikintun kamari wengi ti percetakan. Surat suara DPRD kabupaten: 1.020.654, DPRD Provinsi 1.020.654, jeung DPR RI 1.020.653. Surat suara Presiden katut DPD tacan dikintun masih dina proses percetakan," ceuk Agus.
Baca Juga: Getapan, Anggota Pos Terpadu Bandara Kertajati Nulungan Panumpang Kapal Udara
H. Agus Syuhada nyebutkeun nu bakal rengse masa jabatanana 24 Desember 2023, Bintek Sirekap dibagi jadi dua gelombang ti 26 Kecamatan nu diiluan PPK 130 urang jeung PPS 1.290 urang.
Sirekap teh Sistem Informasi Rekapitulasi nu dipilih KPU keur ngagampangkeun pikeun petugas rekapitulasi suara. Lian ti eta oge pikeun alat publikasi keur hasil penghitungan suara di tempat pemungutan suara (TPS).
Prosesna gancang jeung bisa diakses publik. Kajaba ngagampangkeun tahapan rekapitulasi, dipiharep bisa ngajaga hasil suara di TPS sangkan tetep sarua.
"Sirekap ngawengku Sirekap Mobile katut Sirekap Web. Ngalangkungan Sirekap Mobile, KPU bakal masihan akun ka salasawios petugas Kelompok Penyelenggara Pemungutan Suara (KPPS)," ceuk Agus Syuhada.
aBaca Juga: Dialog Capres 2024 jeung PWI, Anies Baswedan: ‘Tong Méré Dahareun ka Buzzer’
"Rengse penghitungan suara, sacara manual petugas KPPS bakal ngalebetkeun hasil penghitungan kalebet C Plano. Saterasna, dipoto tur dilebetkeun kana Sirekap Mobile," ceuk Agus.
Sekertaris Daerah (Sekda) Kabupaten Majalengka Drs. H. Eman Suherman, MM., nyebutkeun pesta demokrasi nu bakal dilaksanakeun 14 Februari 2024 kudu lumangsung kalayan aman.
"Kangge ngajagi kondusifitas kaamanan sareng katartiban dina mapag pelaksanaan pemilu, KPU Majalengka tiasa masihan pamahaman ka pamilon pemilu sarta tiasa sinergis sareng pihak TNI Polri, Bawaslu sareng Kajari katut instansi terkait sanesna," ceuk Sekda Eman Suherman.
Dipiharep Bintek bisa mere elmu pangaweruh ngeunaan pelaksanaan pemilu nu bisa ngahasilkeun petugas pemilu nu jujur, adil tur akuntabel.*** Ayank R Sambara
