GALURA.CO.ID -Pamarentah Kabupaten Majalengka lebah dieu Dinas Pendidikan (Disdik) Kabupaten Majalengka mieling Hari Guru Nasional (HGN ) jeung Persatuan Guru Republik Indonesia (PGRI ) ka-78 Taun 2023 ngalaksanakeun upacara nu dipingpin ku Bupati Dr. H. Karna Sobahi, M.M.Pd , tempatna di lapang GGM Majalengka, Saptu (25/11/2023 ).
Hadir dina eta kasempetan, Wakil Bupati, Sekda , Ketua DPRD Majalengka, Forkopimda, Ketua PGRI, sakumna staf ahli, sakumna asiten, sakumna kepala OPD, camat katut ondangan lianna.
Rebuan guru ti 26 kecamatan di Kabupaten Majalengka hadir minuhan lapangan GGM. Marake salendang Palestina minangka wujud solidaritas keur warga Palestina sakaligus penggalangan dana keur disumbangkeun ka Palestina.
Baca Juga: Pokalna Maya Berlin. SMPN 1 Majalengka Milmkeum Kaarifan Lokal
Bupati Majalengka, netelakeun taun ieu taun panungtungan pikeun jadi bupati jeung wakil bupati ngareuah-reuah Hari Guru Nasional jeung mieling HUT PGRI ka-78.
"Margi 19 Desember 2023 dinten panungtungan simkuring sareng Pa Tarsino ngajabat bupati sareng wakil bupati taun 2019 - 2023," ceuk Karna Sobahi.
"Hal ieu ngajantenkeun sim kuring duaan ngaraos bersyukur kahadirat Allah SWT. Oge ngahatur nuhunkeun ka sadaya guru nu tos janten tulang punggung dina ngawangun pendidikan di Kabupaten Majalengka," ceuk Bupati Karna.
"Simkuring yakin tur optimistis Kabupaten Majalengka bakal ngajanggelek janten Kabupaten Pendidikan," ceuk Bupati.
Ngabangun ruang kelas
Sanajan 5 taun dina mingpin Majalengka, saparona ngungkulan pandemi Covid -19, Bupati jeung rengrenganana mampuh ngawujudkeun komitmen politik anggaran pikeun ngawangun pendidikan di Kabupaten Majalengka.