Network
GALURA-Teu saeutik walungan hususna di wewengkeun Kabupaten Kuningan anu keumeuh. Salah sahiji diantara walungan Cimonte jeung Citiis Balai Besar Wilayah Sungai (BBWS) Citanduy di sabudeureun Desa/Kecamatan Subang, matak pikamelangeun.
Eta walungan di pakidulan wewengkon Kuningan, kagabggu ku runtah anu nyayeud. Caina kotor reujeung bau deuih.
Padahal, saban usum halodo boh cai walungan Cimonte boh walungan Citiis sok dimangfaatkeun ku warga urang dinya pikeun mandi jeung gegeroh.
Baca Juga: Gerakan Meresihan Walungan CI Tamba, Ngageuing Sangkan Teu Miceun Runtah ka Walungan
Padepokan Tirta Wening Desa Subang reujeung komunitas sejenna diantarana wae Aliansi Masyarakat Peduli Sungai (AMPAS) dan Lembaga Swadaya Masyarakat (LSM) Aktivitas Anak Rimba Kuningan (Akar) Kuningan ngarasa prihatin.
Ku sabab kitu, dina Poe Ahad 1 Oktober 2023 ngayakeun kagiatan meresihan runtah di walungan Cimonte jeung Citiis.
Ketua Padepokan Cipta Wening Desa Subang, Iyan Mukdiana, nyebutkeun eta kagiatan teh ngahaja diayakeun Dina momentum mieling Maulid Nabi Muhamad SAW jeung Hari Kesaktian Pancasila.
Dua momentum kasebut, ngandung barokah ngahijikeun komunitas masarakat dina tarekah miara lingkungan.
“Alhamdulillah, ngalangkungan dua momentum penting ieu tiasa ngabeungkeut rukun gawe dina miara lingkungan walungan," ceuk Iyan.
