Arya Permana Graha Ngaluuhan Acara Pangajian Rutin di Kecamatan Selajambe

GALURA-Arya Permana Graha, ngaku reueus bisa ngaluuhan pangajian rutin bulanan di Masjid Jami Nurul Huda Desa Selajambe Kecamatan Selajambe, Ahad, 10 September 2023.

Teu rek kitu kumaha, sabab Arya anu kiwari nyalonkeun jadi anggota Dewan DPR RI Daerah Pemilihan (Dapil) Jabar 10 ti Partai Persatuan Pembangunan (PPP), bisa patepung lawung utamana reujeung ulama.

Harita ulama anu kabeungkeut dina wadah Dirosah Islamiyah ti Kecamatan Selajambe, Subang jeung Cilebak, kumpul ngariung dina eta pangajian rutin bulanan.

Arya ngarasa digedekeun ku ulama, ngaliwatan organisasi Ikatan Pelajar Nahdatul Ulama (IPNU) anu dipiwanoh deukeut reujeung ulama.

Sajaba ti eta, ceuk Arya, kagiatan kaagamaan ku cara pangajian Kitab Safinatunnajah jeung Bahtsul Masaa'il, nuduhkeun masih luhurna niley-niley kaagamaan di lingkungan masarakat.

"Alhamdulillah, reueus, bingah mugia acara sapertos kieu mayeng kapayunna" pokna.***