Rukun Gawe Pemprov jeung PWI Jabar, Sukses Ngayakeun UKW di 8 Daerah

GALURA - Pemerintah Provinsi (Pemprov) Jawa Barat jeung Persatuan Wartawan Indonesia (PWI) Jawa Barat nyatetkeun rékor dina penyelenggaraan Uji Kompetensi Wartawan (UKW) kalawan peserta panglobana di Indonesia dina waktu 8 bulan.

Program nu dipokalan ku Gubernur Jabar Ridwan Kamil téh geus hasil ngaubkeun 648 peserta ti 27 kabupaten/kota di Jawa Barat.

Tina 648 peserta téh, anu kaasup kompeten aya 483 urang. Sedengkeun sésana can kompeten.

Kepala Dinas Komunikasi dan Informatika (Diskominfo) Jabar, Dr. Ika Mardiah, nerangkeun, ieu program UKW téh mangrupa tarékah Pemprov Jabar ngawujudkeun Jawa Barat Juara di sektor sumber daya manusia (SDM).

Baca Juga: Galura Cetak II September 2023 Ngaguar Ngeunaan Kaayaan Situs Fosil Purba di Tambaksari Kabupaten Ciamis

"Salasahijina ku ngayakeun UKW,” ceuk Ika. “Ku ngayakeun UKW sapertos kieu, Pemprov Jabar hoyong kontribusi ngaronjatkeun kualitas wartawan.”

Éta tarékah Pemprov Jabar dina ngayakeun UKW rukun gawé PWI Jabar téh henteu cumah. Dina Hari Pers Nasional (HPN) di Medan, 7 - 12 Februari 2023 ka tukang, tumalina jeung UKW téa Pemprov Jabar dilélér penghargaan ti PWI Pusat.

Ku ayana kolaborasi (rukun gawé) nu geus ngawujud dina ngayakeun UKW, Ketua PWI Jabar, Hilman Hidayat, nganuhunkeun pisan ka Gubernur Jabar, Ridwan Kamil, jeung ka Diskominfo Jabar. Ieu téh cenah, nuduhkeun rukun gawé pentahelix mémang kacida diperlukeunana pikeun ngawangun Jawa Barat.

Baca Juga: Putra Cirebon jadi Pj Gubernur Jawa Barat jeung Pj Gubernur Jawa Tengah