Network
GALURA- DKM Al Haq ngalaksanakeun solat Idul Adha 1444 H di palataran Madrasah Al Haq, Margahayu Selatan, Kecamatan Margahayu, Kabupaten Bandung, Kemis (29/7/2023). Imam jeung hotibna: Ustadz Zaenal Mutakin, Mundir A'm Persis 60 Katapang Kabupaten Bandung, hutbahna ngeunaan pentingna ibadah nu didadasaran kaihlasan karana Alloh.
Ka jamaah solat Idul Adha 1444 H di DKM Al Haq, Zaenal nyontokeun kumaha ibadah nu teu didasaran ku ikhlas karana Alloh. Zaenal nyabit hadits riwayat Muslim: Rasulullah nètèlakeun, engkè di aherat aya 3 urang nu ditakon amal-amalanana. Maranèhanana geus milampah amal hade waktu di dunya.
"Jalma kahiji, nu jihad, perang tepi ka gugur. Nu kadua saurang nu boga wewesen tur faseh maca Qur'an, bari ngajarkeun pangabisana ka batur. Anu katilu jalma nu diberè kalaluasaan rizki tur ngaluarkeun hartana, infak jeung sodaqohna. Tapi taya saurang oge amalna ditarima," ceuk Zaenal dina khutbahna di hareupeun jamah solat Idul Adha di DKM Al Haq.
Baca Juga: Saniskara Tarèkah Ngadalian Inflasi di Kabupaten Bandung
Nu jihad, berperang lain niat khlas karna Allah tapi ukur hayang katangar tur dipuji sabagè jalma nu syuhada. Nu kadua, jalma nu boga pangarti tur alus maca Qur'anna tur ngajarkeunka nu lian, tapi lain niat karna Allah, tapi ukur hayang dipuji saurang dai jeung qori nu alus. Nu katilu jalma nu sodakoh tapi teu Ikhlas, ukur hayang katangar, hayang disebut dermawan.
Tilu urang bieu di dunya memang bisa ngahontal nu dipiharepna, tapi di ahèrat mah sagala rupa amal-amalanana ditolak.
"Ku margi kitu ulah dugi ka amalan urang jadi korban. Ku margi kitu niat sareng ikhlas karana Allah. Nabi Ibrahim, teu ngaraos sieun basa dipundut ku Alloh kanggo ngurbankeun putrana, Ismail. Tina kaikhkasan tur ridho ka Alloh, Nabi Ibrahim lulus tina ujian, " ceuk Zaenal.
Ngeunaan ibadah kurban, Zaenal ongadadarkeun hiji riwayat. Dina hiji Idul Adha Abu Durga salasahiji sahabat Rasulullah meuncit sato nu dimaksudkeun pikeun kurban.Tapi Rasulullah nitah Abu Durga meuncit deui sato kurban, sabab nu dilakukeun samèmèhna ku Abu Durga teu kaasup kurban, sabab dilakukeunana samèmèh solat Idul Adha.
