Network
GALURA - Jabar Quick Response (JQR) ngayakeun seminar kasehatan, jejerna Peran Relawan Dalam Percepatan Pelayanan Kedaruratan Kesehatan Masyarakat", di Soreang, Kabupaten Bandung, Senen-Salasa, 6-7 Maret 2023.
Eta seminar diiluan 100 peserta relawan kasehatan, tokoh masarakat, komunitas, organisasi jeung wawakil instansi pamarentah sababaraha kabupaten/kota di Jawa Barat.
Dina seminar peserta nampa bahan pangaweruh ti kementerian kesehatan, kementerian sosial, Dinas Kesehatan Jawa Barat, Dinas Sosial Jawa Barat, BPJS jeung organisasi relawan.
Baca Juga: 100 Panyandang Disabilitas di Kabupaten Bandung Barat Nampa Bantuan
Manajer Operasional JQR, Nizar Ilyasa, miharep tina seminar sakumna relawan kasehatan bisa leuwih paham kana hal anu aya patalina kasehatan.
Contona, ceuk Nizar, ngeunaan jaminan kasehatan masarakat. Anu utamana tapis ngaping palayanan darurat kasehatan masarakat.
Sajeroning kitu, Wakil Bupati Bandung, Sahrul Gunawan, nu ngaluuhan eta seminar, ngabageakeun etak JQR anu salila ieu aub ngungkulan pasualan kasehatan masarakat.
"Ngungkulan pasualan kasehatan minangka program prioritas pamarentah geusan ngawujudkeun sumebarna askes panglayan kasehatan, fasilitas kasehatan nu hade, nyumponan kabutuh gizi masarakat," pokna.
Salasaurang peserta, H Abdul Majid, urang Garut, miharep, tins seminar teh aya lajuning lakuna kalawan nyata.
Ceuk Abdul, instansi pamarentahan bisa leuwih rancingeus, malire kajadian kadaruratan kasehatan masarakat.
