Ceuk Pranikno, Dina Taun 2024 Pangwangunan di Kabupaten Bandung Kudu Leuwih Punjul

GALURA- Anggota Dewan Perwakilan Rakyat (DPRD) Kabupaten Bandung, Praniko Imam Sagita, nyebutkeun dina   taun 2024 pangwangunan di Kabupaten Bandung kudu leuwih punjul.

"Kudu leuwih punjul, luyu  visi jeung misi Bedas,  kudu leuwih maliré  masarakat. Mere pangladen nu leuwih hade," ceuk Pranikno.

Baca Juga: Pamarentah Nyetop Sumebarna Ubar Nurunkeun Panas Merek Praxion, Cenah Ngalantarankeun Kasakit Ginjal Akut

Pranikno nembrakeun eta hal basa monitoring musyawarah perencanaan pembangunan (Musrenbang) tingkat  Kecamatan Bojongsoang, di eta kecamatan, Senén (6/2/2023). 

 Ceuk Pranikno, DPRD  ngarojong dina palebah dukungan panganggaran. Ngan tangtu perlu aya kasapaham  eksekutif," ceuk politisi Partai Gerindra teh.

Musrenbang téh ceuk Praniko, forum antarpalaku dina  raraga nyusun rencana pangwangunan   daerah jeung nasional. 

"Dikawitan ti  tingkat desa, lajeng dicandak ka tingkat kecamatan, lajeng engké ka tingkat kabupaten, provinsi sareng dipungkas  di tingkat nasional," ceuk Praniko. 

Mekanisme tahapan ieu cenah  kudu diliwatan, sabab amanat ti perundang-undangan. UU nomer 25 taun 2024 ngeunaan penyusunan perencanaan daerah.