GALURA,- Poe Salasa, 17 Januari 2023, kira wanci tabuh 5.30 WIB,urang Desa Widarasari, Kecamatan Kramatmulya, kagareuwahkeun mucunghulna haseup tina jero taneuh.
Kituna teh diantarana aya warga anu ngambeu bau gas jeung walirang.
Maman Nuryaman (54), anu mireungeuh eta kajadian panasaran nyampeurkeun lebah kaluarna haseup handapeun tihang jaringan telepon.
Ku sabab sieun ngabahayakeun, manehna ngalaporkeun ka patugas Unit Pelaksana Teknis Dinas pemadam Kebakaran (UPTD Damkar) Satuan Polisi Pamong Praja (Satpol PP) Kabupaten Kuningan.
Heuleut sawatara jam ti harita, patugas Damkar datang, mariksa kaayaan sabudeureun, maluruh mucunghulna haseup ti jero taneuh tea.
"Patugas Damkar maluruh bagean kabel luhur, tetela aya sambungan kabel listrik tina tihang listrik anu nempel kana kabel telepon," ceuk Kepala UPTD Damkar Satpol PP Kabupaten Kuningan, Mh.Khadafi Mufti.***