GALURA.CO.ID. Rembug Bedas ka-99 digelar Bupati Bandung di Gedung Serbaguna Assalwa Desa Ciaro Kecamatan Nagreg Kabupaten Bandung, Kemis (21/3/2024).
Dina Rembug Bedas warga disuguhan pintonan video 13 program prioritas Bupati Bandung, di antarana insentif guru ngaji, pinjaman dana bergulir teu bungaan jeung teu aya jaminan, kartu tani Sibedas katut program sèjènna.
Harita ogè .Bupati Bandung masrahkeun bantuan wakaf buku, cadangan bèas pamarèntah, bantuan stimulan rutilahu, katut bantuan sèjènna.
Baca Juga: Rembug Bedas Bupati Bandung di Desa Pangauban Katapang Ngawakafkeun Buku
Dadang Supriatna nètèlakeun, salila 2 tan 10 bulan ngajabat, geus 99 desa nu jadi sasaran Rembug Bedas di Kabupaten Bandung. Inyana miharep Rembug Bedas di bulan Romadon ayeuna leuwih mageuhkeun silaturahmi.
Dadang Supriatna, jangji salila dirina jadi Bupati Bandung, 13 program prioritas di antarana nu disebutkeun tadi, baris terus dijjalankeun.
Dadang Supriatna nyurung kepala desa pikeun nyieun Perdes ngeunaan lahan sawah abadi. Lamun geus dijieunkeun Perdes lahan sawah abadi, para pamilikna teu kidu mayar PBB , alias gratis saban taunna..
Kepala Desa Ciaro H. Kusnaedi ngabagèakeun ayana Remnbug Bedas di desana. "Kegiatan Rembug Bedas ieu wujud kanyaah Pak Bupati Bandung kabDesa Ciaro," ceuk Kusnaedi.
Baca Juga: Rembug Bedas Pamungkas di Taun 2023 Bupati Bandung Masualkeun Sakola, Walungan, jeung Jalan
Kusnaedi nganuhunkeun ka Bupati Bandung ku realiisasi 13 program prioritas nu geus karasa langsung mangpaatna ku masarakat.
Kusnaedi ogè nepikeun pameredih sangkan Penerangn Jalan Umum (PJU) dhurungkeun sabab danget ayeuna cenah pareum.
Gapoktan Desa Ciaro Ustadz Ayep nganuhunkeun ka Bupati Bandung sabab bantuan hibah Sibedas geus dirasakeun manfaatna ku para petani. Ngan inyana aya pameredih tina tatanen jagong nu dihasilkan para petani di Desa Ciaro sangkan teu dijual langsung dina bentuk jagongna. "Minimal dijual setengah jadi," pokna.
Gapoktan ogè mihareo ka pamarèntah sangkan aya bantuan mesin pertanian satutas panen,, di antarana mesin paranti nyacag.
Warga ogè miharep Dadang Supriatna jadi Bupati Bandung nu kadua periode,.*** Sopandi